“தான் இன்னமும் ஐக்கிய மக்கள் சக்தியின் உப செயலாளராக இருப்பதாக டயனா கமகே எம்.பி. கூறியுள்ளார். இது முற்றிலும் தவறான தகவலாகும்” – என்று ஐக்கிய மக்கள் சக்தியின் பொதுச்செயலார் ரஞ்சித் மத்தும பண்டார தெரிவித்தார்.
அவர் மேலும் கூறுகையில்,
“ஐக்கிய மக்கள் சக்தியின் உப செயலாளர் பதவியில் இருந்து டயனா கமகே நீக்கப்பட்டுள்ளார். அதற்கான கடிதம் உள்ளது. நாம் போலி ஆவணத்தைச் சமர்ப்பிக்கவில்லை. இந்த விடயம் தொடர்பில் சி.ஐ.டி.யினர் விசாரணை நடத்தலாம்.
எனவே, போலித் தகவல்களை வெளியிட வேண்டாம் என டயனா கமகேவிடம் கேட்டுக்கொள்கின்றோம். ஐக்கிய மக்கள் சக்தியின் புண்ணியத்தால்தான் அவர் நாடாளுமன்றம் வந்தார்.” – என்றார்.
