க. பொ. த. சாதாரண தர பரீட்சை இன்று திங்கட்கிழமை நாடு முழுவதும் ஆரம்பமாகின்றது.
பரீட்சைக்கான சகல ஏற்பாடுகளும் பூர்த்தி செய்யப்பட்டுள்ளன என்று பரீட்சைகள் ஆணையாளர் நாயகம் அமித் ஜயசுந்தர நேற்றுத் தெரிவித்தார்.
இன்று ஆரம்பமாகும் பரீட்சைக்கு 3 இலட்சத்து 87 ஆயிரத்து 648 பாடசாலை பரீட்சார்த்திகளும் 65 ஆயிரத்து 331 தனிப்பட்ட பரீட்சார்த்திகளுமாக 4 இலட்சத்து 52 ஆயிரத்து 979 பரீட்சார்த்திகள் தோற்றுகின்றனர்.
அத்துடன், 3 ஆயிரத்து 527 பரீட்சை நிலையங்கள் அமைக்கப்பட்டுள்ளன.
விசேட தேவையுடையவர்களுக்கும் விசேட பரீட்சை நிலையங்கள் அமைக்கப்பட்டுள்ளன என்றும் அவர் தெரிவித்தார்.
