வவுனியா மாவட்டம் செட்டிகுளம் பகுதியில் யானை தாக்கியதில் முதியவர் ஒருவர் உயிரிழந்துள்ளார்.
குறித்த முதியவர் நேற்று மாலை வீதியில் சென்றுகொண்டிருந்தபோது அப்பகுதிக்கு வந்த யானை அவரை தாக்கியுள்ளது.
இதன்போது படுகாயமடைந்த முதியவர் வவுனியா வைத்தியசாலையில் அனுமதிக்கப்பட்ட போதும் சிகிச்சை பலனின்றி அவர் உயிரிழந்துள்ளதாக பொலிஸார் தெரிவித்துள்ளனர்.
சம்பவத்தில் செட்டிகுளம் – மருதமடு பகுதியைச் சேர்ந்த 63 வயதுடைய முதியவரே உயிரிழந்துள்ளார்.
சம்பவம் தொடர்பிலான மேலதிக விசாரணைகளை செட்டிகுளம் பொலிஸார் முன்னெடுத்து வருகின்றனர்.
