வவுனியா மாவட்டம் – தேக்கவத்தை பகுதியில் தொடருந்து மோதி முதியவர் ஒருவர் உயிரிழந்துள்ளார்.
குறித்த விபத்து நேற்று மாலை இடம்பெற்றது.
விபத்து தொடர்பில் மேலும் தெரியவருவதாவது,
யாழ்ப்பாணத்திலிருந்து அனுராதபுரம் நோக்கிசென்ற தொடருந்து தேக்கவத்தை பகுதியில் முதியவர் ஒருவர் மீது மோதியதில் குறித்த விபத்து இடம்பெற்றது.
விபத்தில் படுகாயமடைந்த முதியவர் உடனடியாக மீட்கப்பட்டு வவுனியா வைத்தியசாலையில் அனுமதிக்கப்பட்டார்.
சம்பவத்தில் தேக்கவத்தை பகுதியைசேர்ந்த 67 வயதான முதியவரே சிகிச்சை பலனின்றி உயிரிழந்துள்ளார்.
விபத்து தொடர்பாக வவுனியா பொலிசார் மேலதிக விசாரணைகளை முன்னெடுத்துவருகின்றனர்.
