இந்தியாவில் உயிரிழந்த சாந்தனின் இறுதி வணக்க நிகழ்வுகள் எதிர்வரும் ஞாயிற்றுக்கிழமை அவருடைய சொந்த ஊரில் நடைபெற ஏற்பாடாகியிருப்பதாக தெரிவிக்கப்படுகிறது.
இன்று முற்பகல் 9.40 மணி அளவில் சென்னை யிலிருந்து
கொழும்பு புறப்பட்ட ஏர் லங்கா விமானத்தில் சாந்தன் அவர்களின் உடல் ஏற்றப்பட்டதாக தமிழகத் தகவல்கள் தெரிவிக்கின்றன.
இரவோடு இரவாக பலத்த பாதுகாப்புடன் உடல் விமான நிலையம் எடுத்துச் செல்லப்பட்டதாகவும் அந்தத் தகவல்கள் தெரிவிக்கின்றன.
இதேவேளை,
யாழ்ப்பாணத்திற்கு எடுத்துவரப்படும் அவருடைய புகழுடல் யாழ்ப்பாணத்தில் உள்ள மலர்ச்சாலை ஒன்றில் மக்கள் வணக்கத்திற்காக வைக்கப்பட்டு ஞாயிற்றுக்கிழமை இறுதி வணக்க நிகழ்வுக்காக அவருடைய சொந்த ஊருக்கு எடுத்துச் செல்ல ஏற்பாடாகியிருப்பதாக உறுதிப்படுத்தப்பட்ட தகவல்கள் தெரிவித்தன.
இதேவேளை,
வணக்க நிகழ்வுகளை யாழ்ப்பாணத்தின் பொது அமைப்பு ஒன்று பொறுப்பேற்று நடத்துவதற்கு குடும்பத்தார் அனுமதி வழங்கியிருப்பதாகவும் அந்தத் தகவல்கள் மேலும் தெரிவித்தன.
