எரிபொருட்களின் விலையை இன்று நள்ளிரவு முதல் அமுலுக்கு வரும் வகையில் திருத்தியமைக்க இலங்கை பெற்றோலிய கூட்டுத்தாபனம் தீர்மானித்துள்ளது.
இதன்படி, ஒக்டேன் 92 ரக பெற்றோல் லீற்றர் ஒன்றின் விலை 9 ரூபாயால் குறைக்கப்பட்டுள்ளதுடன், புதிய விலை 356 ரூபாயாகும்.
இதேவேளை, ஒக்டேன் 95 ரக பெற்றோல் லீற்றர் ஒன்றின் விலை 03 ரூபாயால் அதிகரிக்கப்பட்டுள்ளதுடன், அதன் புதிய விலை 423 ரூபாயாக பதிவாகியுள்ளது.
லங்கா ஒட்டோ டீசல் விலை 05 ரூபாயால் அதிகரிக்கப்பட்டுள்ளதுடன் அதன் புதிய விலை 356 ரூபாயாக பதிவு செய்யப்பட்டுள்ளது.
லங்கா சுப்பர் டீசல் விலையும் 10 ரூபாயால் அதிகரிக்கப்பட்டுள்ளதுடன் அதன் புதிய விலை 431 ரூபாயாக நிர்ணயிக்கப்பட்டுள்ளது.
இலங்கை மண்ணெண்ணெய் விலை 7 ரூபாயினால் அதிகரிக்கப்பட்டுள்ளதுடன், அதன் புதிய விலை 249 ரூபாவாகும் என இலங்கை கனியவளக் கூட்டுத்தாபனம் தெரிவித்துள்ளது.
