யாழ்ப்பாணம் – வடமராட்சியில் வழிப்பறி மற்றும் திருட்டுச் சம்பவங்களில் தொடர்ச்சியாக ஈடுபட்டதாக கூறப்படும் ஒருவர் கைது செய்யப்பட்டுள்ளார்.
துன்னாலை குடவத்தைப் பகுதியைச் சேர்ந்த 23 வயதுடைய இளைஞர் ஒருவரே நேற்று (30) இரவு நெல்லியடி காவல்துறையினரால் சந்தேகத்தின் பேரில் கைதுசெய்யப்பட்டதாக தெரிவிக்கப்பட்டுள்ளது.
குறித்த நபரிடம் இருந்து ஐந்து தண்ணீர் மோட்டார்களும் பொலிஸாரால் கைப்பற்றப்பட்டுள்ளன.
பல இடங்களில் தொடர்ந்து தண்ணீர் மோட்டார் திருட்டுக்கள் இடம்பெற்று வந்தன. அது தொடர்பில் பிரதேச பொலிஸ் நிலையங்களில் முறைப்பாடுகள் செய்யப்பட்டிருந்த நிலையில் சந்தேகநபர் கைது செய்யப்பட்டார்.
போதைப்பொருளை நுகர்வதற்காகவே குறித்த இளைஞன் தொடர்ச்சியாக வழிப்பறி மற்றும் திருட்டுக்களில் ஈடுபட்டதாக ஆரம்ப விசாரணையில் இருந்து தெரியவந்துள்ளது.
