முல்லைத்தீவு மாவட்டம் ஒட்டுசுட்டான் – மாங்குளம் வீதியில் நேற்று இரவு இடம்பெற்ற விபத்தில் இளைஞர்கள் இருவர் உயிரிழந்துள்ளனர்.
குறித்த வீதியில் 21ஆவது கிலோமீற்றர் பகுதியில் வீதியில் தரித்திருந்த உழவியந்திரத்தின் பெட்டி மீது அதி வேகமாக வந்த மோட்டார் சைக்கிள் மோதியதாலேயே விபத்து நிகழ்ந்திருப்பதாக தெரியவருகிறது.
வீதியில் உலரவிடப்பட்டிருந்த நெல்லினை அள்ளுவதற்காக உழவியந்திரம் அந்தப் பகுதியில் தரித்திருந்ததாக தெரியவருகிறது.
சம்பவத்தில் முள்ளியவளை, பொன்னகர் பகுதியைச் சேர்ந்த 23, 24 வயதுகளை உடைய இளைஞர்கள் இருவரே உயிரிழந்துள்ளனர்.
இதேவேளை,
உழவியந்திரத்தின் சாரதியும் மற்றும் ஒருவரும் ஒட்டுசுட்டான் பொலிஸாரால் கைது செய்யப்பட்டுள்ளனர்.
மேலதிக விசாரணைகளை பொலிஸார் மேற்கொண்டுவருகின்றனர்.
