நேற்று வெளியான உயர்தர பரீட்சை பெறுபேறுகளின் முடிவின்படி யாழ்ப்பாணம் இந்துக் கல்லூரியில் விஞ் ஞான பாடப் பிரிவுகளில் 31 மாணவர்கள் மூன்று பாடங்களிலும் ஏ சித்தி பெற்றுள்ளனர்.
அத்துடன், பௌதிக விஞ்ஞான பாடத்தில் யாழ்ப்பாணம் மாவட்டத்தில் முதல் 6 இடங்களையும் உயிரியல் விஞ்ஞான பாடத்தில் மாவட்டத்தில் முதல் 5 இடங்களையும் இந்துக் கல்லூரியின் மாணவர்களே பெற்றுள்ளனர்.
2022 ஆண்டு உயர்தர பரீட்சை முடிவுகள் நேற்று பிற்பகல் வெளியாகின. நேற்றிரவு வரை கிடைக்கப்பெற்ற முடிவுகளின்படி,
யாழ். இந்துக் கல்லூரியில் பௌதிக விஞ்ஞான பிரிவில் 21 மாணவர் கள் 3 ஏ சித்தி பெற்றனர். இதில், சிறீ.சிநேகன், லெ.அபிசேக், ச. அபிசேகன், ப. தீபக், மு. முகமட் இஷாத், வி. கிஷாலன் ஆகியோர் யாழ்ப்பாணம் மாவட்டத்தில் முதல் ஆறு இடங்களைப் பெற்றனர்.
இதேபோன்று உயிரியல் விஞ்ஞானப் பிரிவில் 10 மாணவர்கள் 3 ஏ சித்திபெற்றனர். இதில், அ. வித்யாசாகர், க.பவித்ரன், நா. சாரங்கன், த. அமலன், ர.தனுசன் ஆகியோர் யாழ்ப்பாணம் மாவட்டத்தில் முதல் 5 இடங்களைப்பிடித்தனர்.
