சந்திரனின் தென்துருவத்தில் தரையிறங்கியது இந்தியா!

நிலவை ஆய்வு செய்வதற்காக இந்திய விண்வெளி ஆராய்ச்சி நிறுவனத்தால் அனுப்பப்பட்ட சந்திரயான்-3 விண்கலத்தில் உள்ள விக்ரம் லேண்டர் நிலவில் தரையிறங்கியது.

விக்ரம் என்ற நடமாடும் வாகனம் நிலவின் தென்துருவத்தில் வெற்றிகரமாக தரையிறக்கப்பட்டதாக இஸ்ரோ அறிவித்துள்ளது.

இதன்படி, இந்தியா நிலவின் மீது மேற்கொண்ட மூன்றாவது முயற்சி வெற்றியளித்துள்ளது.

முன்னதாக, இலங்கை – இந்திய நேரப்படி இன்று (23) மாலை 6:04 மணிக்கு தரையிறக்கம் நடைபெறவுள்ளதாகவும், எந்த பிரச்சினையும் இல்லாமல் நிலவில் தரையிறங்க விண்கலம் தயாராக உள்ளதாகவும் இந்திய விண்வெளி ஆராய்ச்சி நிறுவனம் குறிப்பிட்டிருந்தது.