இன்று நள்ளிரவு முதல் அமுலாகும் வகையில், இலங்கை கனியவளக் கூட்டுத்தாபனம் எரிபொருட்ளின் விலையில் திருத்தம் மேற்கொண்டுள்ளது.
இதன்படி, ஒட்டோ டீசல் லீற்றர் ஒன்றின் விலை 12 ரூபாவால் குறைக்கப்பட்டு 274 ரூபாவாக நிர்ணயிக்கப்பட்டுள்ளது.
அத்துடன் சுப்பர் டீசல் லீற்றர் ஒன்றின் விலை 6 ரூபாவினால் குறைக்கப்பட்டு 325 ரூபாவாக நிர்ணயிக்கப்பட்டுள்ளதாக இலங்கை கனியவளக் கூட்டுத்தாபனம் விடுத்துள்ள அறிக்கையில் தெரிவிக்கப்பட்டுள்ளது.
அதேநேரம், மண்ணெண்ணெய் லீற்றர் ஒன்றின் விலை 5 ரூபாவினால் குறைக்கப்பட்டுள்ளது.
இதன்படி, மண்ணெண்ணெய் லீற்றர் ஒன்றின் புதிய விலை 178 ரூபாவாகும்.
இதுதவிர ஒக்டேன் 95 ரக பெற்றோல் லீற்றர் ஒன்றின் விலை 20 ரூபாவினாலும், ஒக்டேன் 92 ரக பெற்றோல் லீற்றர் ஒன்றின் விலை 6 ரூபாவினாலும் குறைக்கப்பட்டுள்ளன.
அதற்கமைய ஒக்டேன் 95 ரக பெற்றோல் லீற்றர் ஒன்றின் புதிய விலை 341 ரூபாவாகும் ஒக்டேன் 92 ரக பெற்றோல் லீற்றர் ஒன்றின் புதிய விலை 293 ரூபாவாகவும் நிர்ணயிக்கப்பட்டுள்ளன.
