மட்டக்களப்பு மாவட்டம் களுவாஞ்சிக்குடி குருக்கள் மடம் பகுதியில் சிறுவர்களை கடத்த முயன்றார்கள் என்ற சந்தேகத்தில் மூவரைச் சுற்றிவளைத்த அந்தப் பகுதி மக்கள் இளைஞர் ஒருவரை மடக்கிப்பிடித்ததாக மட்டக்களப்புத் தகவல்கள் தெரிவிக்கின்றன.
நேற்று மாலை பிற்பகல் 2 மணியளவில் அந்தப் பகுதியில் இளைஞர்கள் மூவர் சந்தேகத்திற்கிடமான முறையில் நடமாடியுள்ளனர்.
அவர்களை அவதானித்த அந்தப் பகுதி இளைஞர்கள் அவர்களைத் துரத்திச் சென்று பிடிக்க முற்பட்டபோது இருவர் தப்பி ஓடியுள்ளனர். ஒருவர் அவர்களிடம் சிக்கியுள்ளார்.
பிடிபட்டவர் ஏறாவூர் பிரதேசத்தைச் சேர்ந்தவர் என்று தெரியவந்துள்ளது. அவரை பொலிஸாரிடம் இளைஞர்கள் ஒப்படைத்துள்ளனர்.
பொலிஸார் குறித்த நபரை விசாரணைக்காக அழைத்துச் சென்றுள்ளனர் என்று அங்கிருந்து கிடைத்த தகவல்கள் தெரிவித்தன.
அண்மைய காலமாக,
வடக்கு – கிழக்கு பகுதிகளில் சிறார்களை கடத்துவதற்கு பல குழுக்கள் முயல்வதாக தகவல்கள் வெளியாகிவருகின்றமை குறிப்பிடத்தக்கது.
