கணேமுல்ல சஞ்சீவவின் கொலை தொடர்பாக சிறைச்சாலைகள் திணைக்களத்தால் தற்போது மேற்கொள்ளப்பட்டு வரும் விசாரணைகளின் ஒரு பகுதியாக, அதிகாரிகள் உட்பட 15 பேரிடம் வாக்குமூலங்கள் பதிவு செய்யப்பட்டுள்ளதாக தெரிவிக்கப்படுகிறது.
பொலிஸ் மற்றும் பொலிஸ் சிறப்புப் படை அதிகாரிகள், கணேமுல்ல சஞ்சீவவை நீதிமன்றத்திற்கு அழைத்துச் சென்றதற்குப் பொறுப்பான அதிகாரி ஆகியோரிடம் விசாரணை நடத்தப்பட்டதாக சிறைச்சாலை வட்டாரங்கள் தெரிவிக்கின்றன.
மேலும் 15 பேரிடம் விசாரணை நடத்த திட்டமிடப்பட்டுள்ளதாகவும் தெரிவிக்கப்பட்டுள்ளது.
இந்த விசாரணைகள் உதவி சிறைச்சாலை கண்காணிப்பாளரின் மேற்பார்வையின் கீழ் நடத்தப்படுகின்றன.
இதற்கிடையில், கணேமுல்ல சஞ்சீவ நீதிமன்றத்திற்கு அழைத்து வரப்படுவதற்கு முன்பு அவர் தடுத்து வைக்கப்பட்டிருந்த அறையில் ஒரு கையடக்கத் தொலைபேசியும் கண்டுபிடிக்கப்பட்டு தற்போது விசாரணைக்கு பரிந்துரைக்கப்பட்டுள்ளதாக கூறப்படுகிறது.
