எதிவரும் நவம்பர் 14ஆம் திகதி நடைபெறவுள்ள பாராளுமன்றத் தேர்தலுக்கான தபால் மூல வாக்களிப்பு இன்று புதன்கிழமை ஆரம்பமாகிறது.
தபால் மூல வாக்காளர்கள் மாவட்ட செயலகங்கள், தேர்தல் பணிமனைகள், பொலிஸ் நிலையங்களில் இன்று காலை 9 மணி முதல் பிற்பகல் 4 மணி வரை தமது வாக்குகளை செலுத்த முடியும்.
இதேபோன்று, நவம்பர் 01 மற்றும் 04ஆம் திகதிகளிலும் தபால் மூல வாக்காளர்கள் வாக்களிக்க முடியும். இந்த மூன்று நாட்களிலும் வாக்களிக்க முடியாதவர்கள் எதிர்வரும் நவம்பர் 07, 08ஆம் திகதிகளில் மாவட்ட செயலகங்களிலும் தேர்தல் பணிமனைகளிலும் தமது வாக்கை செலுத்த முடியும். இந்த முறை பாராளுமன்றத் தேர்தலில் தபால் மூலம் வாக்களிப்பதற்கு 7 இலட்சத்து 38 ஆயிரத்து 50 பேர் தகுதி பெற்றுள்ளனர் என்பது குறிப்பிடத்தக்கது.
