கிளிநொச்சி கேரதீவு சங்குப்பிட்டிப் பாலம் போக்குவரத்துச் செய்யமுடியாத அளவிற்கு பாதிப்படைந்துள்ளதாக வீதி அபிவிருத்தி அதிகார சபை எச்சரிக்கை விடுத்துள்ளது.
இது தொடர்பில் கிளிநொச்சி மாவட்ட பொலிஸாருக்கு வீதி அபிவிருத்தி அதிகார சபையினர் அறிவிப்பு ஒன்றை வெளியிட்டுள்ளனர்.
இதன் அடிப்படையில்,
குறித்த வீதியில் கனரக வாகனங்களை பயணிக்க அனுமதிப்பதில்லை என்று தீர்மானிக்கப்பட்டிருப்பதாகவும் பயணிகள் பேருந்துகள், இடைமறிக்கப்பட்டு மக்கள் வீதியில் இறங்கி நடந்து பாலத்தைக் கடக்க அனுமதிக்ப்படுவர் என்றும் பேருந்துகள் வெறுமையாகவே பயணத்தை மேற்கொள்ள அனுமதிக்கப்படுவதாகவும் மன்னார் மாவட்டச் செயலகம் அறிவித்துள்ளது.
பாலம் சீரமைக்கப்படும் வரையில் குறித்த நடைமுறை தொடரும் என்றும் அறிவிக்கப்பட்டுள்ளது.
