மிதிவெடியை அகற்றும்போது அது வெடித்ததில் மனிதாபிமான மிதிவெடி அகற்றும் பணியாளர்கள் நால்வர் படுகாயமடைந்தனர்.
முல்லைத்தீவு – மாங்குளம் – துணுக்காய் பகுதியில் நேற்று வியாழக்கிழமை மதியம் இந்தச் சம்பவம் இடம் பெற்றுள்ளது.
இதில், அந்தப் பகுதியில் மனிதாபிமான மிதிவெடி அகற்றும் பணியில் ஈடுபட்டிருந்த பெண் பணியாளர்கள் நால்வரே படுகாயமடைந்தனர்.
படுகாயமடைந்தவர்கள் மாங்குளம் ஆதார மருத்துவமனையில் சேர்க்கப்பட்டனர். இவர்களில், ஒருவர் மேலதிக சிகிச்சைக்காக கிளிநொச்சி பொது மருத்துவமனைக்கு மாற்றப்பட்டுள்ளார்.
