கெப் ரக வாகனமும் மோட்டார் சைக்கிளும் நேருக்கு நேர் மோதிய விபத்தில் குடும்பஸ்தர் ஒருவர் உயிரிழந்தார். மூவர் படுகாயமடைந்துள்ளனர்.
நேற்று சனிக்கிழமை மதியம், பரந்தன் – கிளிநொச்சி வீதியில் குடமுருட்டி பகுதியில் இடம்பெற்ற இந்த விபத்தில் கிளிநொச்சி கோணவிலை சேர்ந்த
கோ. புருசோத் (வயது55) என்ற இரு பிள்ளைகளின் தந்தையே உயிரிழந்தார்.
கிளிநொச்சியிலிருந்து யாழ்ப்பாணம் நோக்கி பயணித்த கெப் ரக வாகனமும் யாழ்ப்பாணத்திலிருந்து கிளிநொச்சி நோக்கி பயணித்த மோட்டார் சைக்கிளும் மோதியே இந்த விபத்து இடம்பெற்றது.
மோட்டார் சைக்கிளில் பயணித்தவர் உயிரிழந்த நிலையில், விபத்தில் கெப் வாகனமும் கவிழ்ந்தது. இதனால், அதில் பயணித்த மூன்று பேர் படுகாயங்களுக்கு உள்ளான நிலையில் கிளிநொச்சி பொது மருத்துவமனையில் சேர்க்கப்பட்டுள்ளனர்.
பூநகரி பொலிஸார் விசாரணைகளை மேற்கொண்டு வருகின்றனர்.
