முன்னாள் போராளியும், போராளிகள் நலன்புரி சங்கதலைவருமான செ.அரவிந்தன் இரு நாட்களாக வெலிக்கடை சிறைச்சாலையில் உணவு தவிர்ப்புப் போராட்டத்தில் ஈடுபட்டுவருகிறார் என தெரியவருகின்றது.
அவர் தனது முகநூலில் இட்ட பதிவு தொடர்பில் வாக்குமூலம் பெறுவதற்கு கொழும்பிலுள்ள பயங்கர வாத தடுப்புப்பிரிவுக்கு கடந்த மார்ச் மாத இறுதியில் அழைக்கப்பட்டு பின்னர் கைது செய்யப்பட்டு கடந்த ஒரு மாதத்துக்கு மேலாக வெலிக்கடை சிறைச்சாலையில் தடுத்து வைக்கப்பட்டுள்ளார்.
இந்நிலையில் தனது கைது குறித்து பி அறிக்கையை நீதிமன்றில் சமர்ப் பிக்குமாறும் தடுத்து வைக்கப்பட்டுள்ள தன்னை நீதிமன்றில் முன்னிலைப்படுத்து மாறும் கோரி நேற்று முன்தினத்திலிருந்து வெலிக்கடை சிறைச்சாலையில் உணவுத் தவிர்ப்பு போராட்டத்தில் அவர் ஈடுபட்டு வருகின்றார் என தெரிவிக்கப்பட்டது.
