யாழ்ப்பாணத்தில் தனியார் கல்வி நிறுவனம் ஒன்றைத் தொடங்குவதாகத் தெரிவிக்கப்பட்டு நடத்தப்பட்ட இசை நிகழ்ச்சியால் குழப்பம் ஏற்பட்டிருந்த நிலையில் குறித்த இசை நிகழ்ச்சி தென்னிந்திய பிரபல தொலைக்காட்சிக்கு விற்பனை செய்யப்பட்டுள்ளமை அம்பலமாகியுள்ளது.
ஹரிகரனின் இசை நிகழ்ச்சியில் தென்னிந்திய கவர்ச்சி நடிகை ஒருவரை அழைத்துவந்தததுடன் அவருடன் புகைப்படம் எடுப்பதற்கு 30 ஆயிரம் ரூபா அறவிப்படும் என்று அறிவிப்பும் வெளியிடப்பட்டிருந்தது.
இந்நிலையில்,
இசை நிகழ்ச்சி அன்று பார்வையாளர்கள் வேலியை தகர்த்து உள்ளே சென்றதால் குழப்ப நிலை ஏற்பட்டது. பொலிஸாராலும் நிலைமையைக் கட்டுப்படுத்த முடியாத நிலையில் இசை நிகழ்ச்சி இடைநிறுத்தப்பட்டது,
இருந்தபோதிலும் நிகழச்சி இடைநிறுத்தப்படவில்லை நிகழ்வு நிறைவாக முடிந்துவிட்டதாக ஏற்பட்டார்கள் அறிவித்தனர்.
இதனிடையே,
நிகழ்வு பார்க்க வந்தவர்களுடைய நுழைவுச்சீட்டுக்களை திரும்பச் செலுத்துவதாக குறித்த தனியார் கல்வி நிறுவன அதிகாரி அறிவித்திருந்தார்.
இருந்தபோதிலும் குறித்த இசை நிகழ்ச்சியின் ஒளிபரப்பு உரிமை பல கோடி ரூபாவிற்கு தென்னிந்திய பிரபல தொலைக்காட்சியான விஜய் ரிவிக்கு விற்பனை செய்யப்பட்டுள்ளதாக விமர்சனங்கள் முன்வைக்கப்பட்டு வந்தன.
அந்தப் பணத்தில் கிடைத்த இலாபத்தின் சிறு பகுதியையே ரசிகர்களுக்கு மீளச் செலுத்திவருகின்றனர் என்றும் சுட்டிக்காட்டப்பட்டிருந்தது.
இந்நிலையில்,
விஜய் தொலைக்காட்சி யாழ்ப்பாணத்தில் நடைபெற்ற இசை நிகழ்ச்சியை ஒளிபரப்புச் செய்வதற்கான காணொளியினை தற்போது வெளியிட்டுள்ளது.
இதன் மூலம் நிகழ்ச்சி விஜய் ரிவிக்கு பெரும் தொகைப் பணத்திற்கு விற்பனை செய்யப்பட்டமை உறுதியாகியுள்ளது என்கின்றனர் அவதானிகள்.
