தமிழரசுக்கட்சியின் பொதுச் செயலாளர் தெரிவில் குழப்பம் ஏற்பட்டுள்ள நிலையில் வாக்கெடுப்பு மூலம் தெரிவு மேற்கொள்ளத் தீர்மானிக்கப்பட்டிருப்பதாக திருகோணமலையிலிருந்து கிடைக்கும் தகவல்கள் தெரிவிக்கின்றன.
இது குறித்து மேலும் தெரியவருவதாவது,
தமிழரசுகட்சியின் பொதுச் செயலாளர் உட்பட்ட முக்கிய பதவிகளுக்கான தெரிவுக் கூட்டம் இன்று காலை முதல் திருகோணமலையில் நடைபெற்றுவருகிறது.
இந்நிலையில்,
புதிய பொதுச்செயலாளரை தெரிவு செய்வதற்காக கூடிய மத்திய குழு வாதப் பிரதிவாதங்களின் தொடராக தமிழரசு கட்சியின் திருகோணமலை மாவட்டக் கிளை தலைவர் எஸ்.குகதாஸனின் பெயரை மத்திய குழு தீர்மானித்துள்ளது.
அதன் தொடராக பொதுச் சபை கூடிய போது குகதாஸனை பொதுச் செயலாளராக ஏற்றுக்கொள்ளமுடியாது என்று திருகோணமலை மாவட்ட தமிழரசுகட்சியின் பொதுச் சபையினரில் ஒரு பகுதியினர் எதிர்ப்பு வெளியிட்டுள்ளதாக தெரியவந்துள்ளது.
இந்நிலையில் தெரிவினை வாக்கெடுப்பு மூலம் மேற்கொள்வது என்று தீர்மானிக்கப்பட்டிருப்பதாக அங்கிருந்து கிடைக்கும் தகவல்கள் தெரிவிக்கின்றன.
அதன் அடிப்படையில்
தமிழரசு கட்சியின் திருகோணமலை மாவட்ட கிளை தலைவர் எஸ்.குகதாஸன் மற்றும் மட்டக்களப்பு மாவட்ட முன்னாள் நாடாளுமன்ற உறுப்பினர் ஞா.சிறிநேசன் ஆகியோர் தேர்தலை எதிர்கொள்கின்றனர்.
