தொடருந்து மோதி கிளிநொச்சியில் குடும்பஸ்தர் மரணம்!

கிளிநொச்சி அறிவியல்நகர் பகுதியில் தொடருந்து விபத்தில் சிக்கி 2 பிள்ளைகளின் தந்தை ஒருவர் உயிரிழந்துள்ளார்.

குறித்த விபத்து இன்று பிற்பகல் 4.30 மணியளவில் இடம்பெற்றுள்ளது.

அனுராதபுரத்திலிருந்து யாழ்ப்பாணம் நோக்கி பயணித்த யாழ்ராணி தொடருந்து மோதியே குறித்த மரணம் நிகழந்துள்ளது.

குறித்த விபத்தில் முறிகண்டி பகுதியை சேர்ந்த 43 வயதுடைய கேதீஸ்வரன் விஜயானந்தன் எனும் 2 பிள்ளைகளின் தந்தையான ரிப்பர் சாரதியே உயிரிழந்துள்ளார்.

குறித்த விபத்தில் உயிரிழந்த நபரின் சடலம் தொடருந்து அதிகாரிகளால் கிளிநொச்சி தொடருந்து நிலையத்தில் ஒப்படைக்கப்பட்டது. 

பின்னர் குறித்த சடலம் தொடருந்து நிலைய அதிகாரிகளால் கிளிநொச்சி வைத்தியசாலையிடம் ஒப்படைக்கப்பட்டது.

பொலிஸ் விசாரணைகளின் பின்னர் உறவினர்களிடம் சடலம் கையளிக்கப்படவுள்ளதாக தொடருந்து நிலைய அதிகாரிகள் தெரிவித்தனர்.