பெறுமதி சேர் வரி அதிகரிப்புக் காரணமாக மதுவரியிலும் திருத்தம் மேற்கொள்ளப்பட்டுள்ளது. அதற்கமைய மதுபானங்களின் விலை மேலும் அதிகரிக்கவுள்ளது.
இதற்கமைய, 750 மில்லிலீற்றர் அளவுடைய மதுபான போத்தல் ஒன்றின் விலை 250 ரூபாய் முதல் 350 ரூபாவாக அதிகரிக்கப்படவுள்ளதாக மதுபான உற்பத்தி நிறுவனங்கள் அறிவித்துள்ளன.
அத்துடன், பியர் போத்தல் ஒன்றின் விலை 60 முதல் 70 ரூபாவினால் அதிகரிக்கப்படவுள்ளது.
இதேவேளை, இன்று முதல் 18 சதவீதமாக அமுலாகும் வற் வரி திருத்தத்திற்கு அமைய, 750 மில்லிலீற்றர் அளவுடைய மதுபான போத்தல் ஒன்றின் விலை 90 ரூபாவினால் அதிகரிக்கப்படவுள்ளது.
அத்துடன், 375 மில்லிலீற்றர் மதுபான போத்தல் ஒன்று 50 ரூபாவினாலும், 180 மில்லிலீற்றர் போத்தல் ஒன்று 20 ரூபாவினாலும் அதிகரிக்கப்படவுள்ளதாக குறிப்பிடப்பட்டுள்ளது.
இந்தநிலையில், மதுவரித்திருத்தம் காரணமாக மேலும் மதுபானங்களின் விலையினை அதிகரிக்க நேரிட்டுள்ளதாக மதுபான உற்பத்தி நிறுவனங்கள் குறிப்பிட்டுள்ளன.
