தொடருந்தில் ஏற முயன்ற முதியவர் தவறி வீழ்ந்து மரணம்!

யாழ்ப்பாணத்தில் தொடருந்தில் ஏற முற்பட்டபோது தடுமாறி தண்ட வாளத்தில் விழுந்த முதியவர் ஒருவர் உயிரிழந்தார்.

தச்சன்தோப்பு ரயில் நிலையத்தில் இடம்பெற்ற இந்த சம்பவத்தில் தென்மராட்சி – சாவகச்சேரி – சங்கத்தானையை சேர்ந்த மாணிக்கம் விஜயரட்ணம் (வயது-69) என்பவரே உயிரிழந்தார்.

இவர், கடந்த 8 ஆம் திகதி இரவு தச்சன்தோப்பு ரயில் நிலையத்தில் ரயிலில் ஏற முயன்றபோது
தடுமாறி கீழே விழுந்தார்.

சாவகச்சேரி மருத்துவமனையில் சேர்க்கப்பட்ட இவர், மேலதிக சிகிச்சைக்காக யாழ் போதனா
மருத்துவமனைக்கு மாற்றப்பட்டார்.

அங்கு சிகிச்சை பெற்று வந்த நிலையில் நேற்று முன்தினம் அவர் உயிரிழந்தார்.