வவுனியா – புதுக்குளத்தில் இடம்பெற்ற விபத்தில் காயமடைந்த மாணவன் சிகிச்சை பலனின்றி மரணமடைந்தார்.
பாடசாலை முடிவடைந்த நேரம் உயிரிழந்த 9 வயது சிறுவனை அவரின் உறவினர் தனது 7வயது மகளுடன் மோட்டார் சைக்கிளில் ஏற்றிச் சென்று கொண்டிருந்தார்.
அவர்களை டிப்பர் வாகனம் ஒன்று கடந்த நிலையில் விபத்து சம்பவித்தது.
இதில், மோட்டார் சைக்கிளை செலுத்தியவர் நிலை தடுமாறி விழுந்தாரா அல்லது டிப்பர் வாக னம் மோதியதா என்பது குறித்து பொலிஸார் விசாரணைகளை நடத்தி வருகின்றனர்.
இதனிடையே இந்த விபத்தில் காயமடைந்த புதுக்குளம் கனிஷ்ட வித்தியாலயத்தில் கல்வி பயிலும் வி. டினோஜன்என்பவர் வவுனியா பொது மருத்துவமனையில் சேர்க்கப்பட்ட நிலையில் உயிரிழந்தார்.
அவருடன், மோட்டார் சைக்கிளில் சென்ற சிறுமியும் காயமடைந்து மருத்துவமனையில் சிகிச்சை பெற்று வருகின்றார்.
