தென்னிந்தியாவின் பிரபல தொலைக்காட்சியில் எதிர்வரும் 1ஆம் திகதி தொடக்கம் ஒளிபரப்பாகவுள்ள பிக்பாஸ் நிகழ்ச்சி சீசன் 7ல் கலந்து கொள்ளும் போட்டியாளர்களின் பெயர் விபரம் தற்போது வெளியாகி வருகின்றது.
அது குறித்து இந்திய ஊடகங்களில் வெளியாகியுள்ள செய்திகளில் தெரிவிக்கப்பட்டுள்ளதாவது,
ரசிகர்கள் யூகித்தது போன்று இந்த சீசனில் இரண்டு வீடுகள் இருப்பதாக ப்ரொமோவில் கமல் கூறியிருந்தார். இதனால் நிகழ்ச்சி எவ்வாறு இருக்கும் என்ற கேள்வி பார்வையாளர்களிடையே அதிகம் ஏற்பட்டுள்ளது.
பிக்பாஸ் சீசன் 7 வரும் அக்டோபர் 1ம் திகதி முதல் பிரபல ரிவி மற்றும் டிஸ்னி+ ஹாட்ஸ்டாரில் ஒளிபரப்பாக உள்ளது. இந்நிகழ்ச்சிக்கு கமல்ஹாசனின் சம்பளம் ரூ.130 கோடி வாங்கியுள்ளதாக தகவல் வெளியாகியுள்ளது.
தற்போது இந்த சீசனில் கலந்து கொள்ளும் போட்டியாளர்கள் குறித்த விபரம் யூகத்தின் அடிப்படையில் வெளியாகி வருகின்றது.
குறித்த தொலைக்காட்சியின் பிரபல தொகுப்பாளர்கள் மாகாபா ஆனந்த், ரக்ஷன், ஜாக்லின் ஆகியோரும் பாரதி கண்ணம்மா, சரவணன் மீனாட்சி, மௌனராகம் தொடர் நாடகங்களில் பிரபல பாத்திரங்களில் நடித்திருந்த ரோஷினி ஹரிப்ரியன், விஜே அர்ச்சனா, ரவீனா ஆகிய மூவர், மற்றும் பாண்டியன் ஸ்டோர்ஸ் கதிர் மற்றும் நடிகர் விஜயகுமாரின் புதல்வி ஸ்ரீதேவி விஜயகுமார், நடிகர் விஜயகுமாரின் மகளின் மகள் நடிகை வனிதாவின் மகள் ஜோவிகா உட்பட்ட பிரபலகங்கள் குறித்த நிகழ்ச்சிக்காக உறுதிப்படுத்தப்பட்டுள்ளதாக தகவல் வெளியாகியுள்ளது.
அதன் அடிப்படையில்,
நடிகை தர்ஷா குப்தா, மௌனராகம் சீரியல் நடிகை ரவீனா, நடிகை வனிதாவின் மகள் ஜோவிகா, பாண்டியன் ஸ்டோர்ஸ் கதிர், ரோபோ சங்கர் மகள் இந்திரஜா, நடிகை அன்பே ஆரூயிரே சீரியல் நிலா, நடிகை நிவிஷா, பிரபல மாடல் அனன்யா, ரோஷினி ஹரிப்ரியன், ஜாக்லின், உமாரியாஸ் கான், ஸ்ரீதேவி விஜயகுமார், யுவன் பாலாஜி, நடிகர் அப்பாஸ், செய்தி வாசிப்பாளர் ரஞ்சித், சத்யா சீரியல் நடிகர் விஷ்ணு, ரக்ஷன், மாகாபா ஆனந்த், பப்ளு பிரித்விராஜ், விஜே அர்ச்சனா என பெயர்கள் வெளியாகியுள்ளது.
