வவுனியாவில் பல்வேறு இடங்களில் வழிப்பறியில் ஈடுபட்டு வந்தனர் என்ற குற்றச்சாட்டில்ஆறு பேரை பொலிஸார் கைது செய்துள்ளனர்.
அத்துடன், இதற்கு பயன்படுத்தப்பட்ட ஒரு கார், இரு மோட்டார் சைக்கிள்களையும் பொலிஸார் கைப்பற்றியுள்ளனர் என்று தெரிவிக்கப்பட்டது.
நெளுக்குளம், பம்பைமடு, வேப்பங்குளம் பகுதிகளில் வீதிகளில் செல்வோரை வழிமறித்து நகைகள், பணம் என்பவற்றை பறிக்கும் சம்பவங்கள் பல பதிவாகின.
சுமார் 6 மாதங்களுக்கு மேலாக இந்த குற்றச்செயல்கள் இடம்பெற்றுவந்தன.
இது விடயத்தில் தீவிர கவனம் செலுத்திய பொலிஸார் நேற்று முன்னெடுத்த திடீர் நடவடிக்கையில் வழிப்பறியில் ஈடுபட்டு வந்த 6 பேர் கைது செய்யப்பட்டனர்.
வவுனியா – தம்பனையை சேர்ந்த இருவரும், பெரிய தம்பனையை சேர்ந்த இருவரும் வவுனியா நகரம் மற்றும் யாழ்ப்பாணத்தை சேர்ந்த ஒருவருமாக 6 பேரே இவ்வாறு கைது செய்யப்பட்டுள்ளனர்.
