திருகோணமலை, குச்சவெளி பொலிஸ் பிரிவுக்குட்பட்ட பகுதியில் இன்று அதிகாலை இடம்பெற்ற துப்பாக்கிச்சூட்டுச் சம்பவத்தில் இருவர் படுகாயம் அடைந்த நிலையில் திருகோணமலை மாவட்ட பொது வைத்தியசாலையில் இன்று அதிகாலை சேர்க்கப்பட்டுள்ளனர்.
குச்சவெளி – வடலிக்குளம் பகுதியைச் சேர்ந்த ஏ.அஸ்மி (வயது 17), ஐ.அஸ்கான் (வயது 21) ஆகிய இருவருமே துப்பாக்கிச்சூட்டு சம்பவத்தில் காயமடைந்துள்ளனர்.
மோட்டார் சைக்கிளில் இருவரும் பயணித்துக் கொண்டிருந்தபோது இந்தச் சம்பவம் இடம்பெற்றுள்ளது.
சம்பவம் தொடர்பில் குச்சவெளி பொலிஸார் விசாரணைகளை மேற்கொண்டு வருகின்றனர்.
