யாழ்ப்பாணம் தென்மராட்சியின் கொடிகாமம் – இராமாவில் ஏ9 வீதியில் இடம்பெற்ற விபத்தில் சிக்கிய 09 பேர் காயமடைந்துள்ளனர்.
தனியார் மினிபஸ்ஸூம், ஹயஸ் வாகனமும் மோதி விபத்துக்குள்ளாகின.
இந்தச் சம்பவம் இன்று நண்பகல் 12.45 மணியளவில் இடம்பெற்றுள்ளது.
யாழிலிருந்து கொடிகாமம் நோக்கி பயணித்த தனியார் மினிபஸ்ஸூம் கிளிநொச்சியிலிருந்து யாழ்ப்பாணம் நோக்கி பயணித்த ஹயஸ் வாகனமும் மோதியே குறித்த விபத்து நேர்ந்துள்ளது.
9 பேர் விபத்தில் காயமடைந்த நிலையில் சாவகச்சேரி ஆதார வைத்தியசாலையில் அனுமதிக்கப்பட்டு, நால்வர் மேலதிக சிகிச்சைக்காக யாழ். போதனா வைத்தியசாலைக்கு மாற்றப்பட்டுள்ளனர்
சம்பவம் தொடர்பான மேலதிக விசாரணைகளை கொடிகாமம் பொலிஸார் மேற்கொண்டு வருகின்றனர்.
