பேராசிரியர் எஸ்.ரகுராம் யாழ் பல்கலைக்கழக கலைப் பீடாதிபதியாக தொடரவுள்ளார். அவருடைய பதவி விலகல் கடிதத்தை துணைவேந்தர் எஸ்.சிறீஸ்கந்தராஜா ஏற்காத நிலையில், பல்கலைக்கழக பேரவையின் தீர்மானத்துக்கு அமைவாக கலைப்பீடாதிபதியாகத் தொடரவுள்ளார்.
இன்று புதன்கிழமை பிற்பகல் பல்கலைக்கழக பேரவை கூடியது. இடைநிறுத்தப்பட்ட சில மாணவர்கள் தொடர்பாக ஏற்கனவே பேரவையினால் எடுக்கப்பட்ட தீர்மானம் இன்றைய கூட்டத்தில் மீள் பரிசீலனைக்கு உட்படுத்தப்பட்டது.
பல்கலைக்கழக வளாகத்துக்குள் போதைப்பொருள் பயன்படுத்திய சில மாணவர்கள் தொடர்பாக கலைப் பீடாதிபதி என்ற முறையில் ரகுராம் எடுத்த தீர்மானம் நியாயமானதாக இருந்தது.
ஆனால் பேரவையின் தீர்மானம் வேறு நோக்கில் இருந்த காரணத்தால் ரகுராம் பதவி விலகும் நிலை ஏற்பட்டது. இதனையடுத்து பேரவையின் தீர்மானத்துக்கு எதிராக பேராசிரியர்கள், விரிவுரையாளர்கள், மாணவர்கள் எதிர்ப்பு நடவடிக்கைகளில் ஈடுபட்டிருந்தனர்.
