புலம்பெயர் மக்கள் இங்கு வந்து முதலீடுகளை மேற்கொள்வதற்கு பயங்கரவாத தடைச் சட்டம் தடையாக உள்ளது எனவும் இச் சட்டத்தை முற்றாக நீக்குமாறும் வன்னி மாவட்ட பாராளுமன்ற உறுப்பினரும் ரெலோ தலைவருமான செல்வம் அடைக்கலநாதன் அரசாங்கத்திடம் கோரிக்கை விடுத்தார்.
நேற்று இடம்பெற்ற பாராளுமன்ற அமர்வில் உரையாற்றும்போதே அவர் இதனைக் குறிப்பிட்டார்.
அவர் மேலும் தெரிவிக்கையில்-
முப்படையினரால் ஆக்கிரமிக்கப்பட்டுள்ள மக்களின் காணிகள் விடுவிக்கப்பட வேண்டும். தொல்லியல் திணைக்களம் மற்றும் வன இலாகா திணைக்களத்
தால் மக்களின் காணிகள் ஆக்கிரமிக்கப்பட்டுள்ளன.
இந்திய முகாம்களில் உள்ள இலங்கையர்கள் மீண்டும் நாட்டுக்கு திரும்ப விருப்பம் தெரிவித்துள்ளனர். ஆனால் அவர்களுக்கு கடவுச் சீட்டை பெறுவ
தில் தாமதம் ஏற்பட்டுள்ளது. இலங்கையர்களை மீண்டும் நாட்டுக்கு வரவழைக்க நடவடிக்கை எடுங்கள். அத்தோடு அனர்த்தங்களின்போது அரச ஊழியர்களின் குடும்பங்களையும் கவனத்தில் எடுங்கள்-என்றார்.
