நீதி அமைச்சர் ஹர்ஷன நாணயக்கார, தனது கல்வித் தகைமை தொடர்பில் பிழையான தரவுகள் நாடாளுமன்றத் தரவுத்தளத்தில் பதிவு செய்யப்பட்டமை தொடர்பில் விசாரணை நடத்துமாறு குற்றப் புலனாய்வு திணைக்களத்தில் இன்று முறைப்பாடு செய்துள்ளார்.
தான் கடந்த 25 வருடங்களாக சட்டத்தரணியாக இருப்பதாகவும் தமது பெயருக்கு முன்பாக ஒரு போதும் கலாநிதி பட்டத்தை பயன்படுத்தியது இல்லை என்றும் ஹர்ஷன நாணயக்கார கூறினார்.
தமது பெயருக்கு முன்பாக கலாநிதி பட்டம் பயன்படுத்தப்பட்டமை தொடர்பில் நாடாளுமன்றத் தகவல் திணைக்களம் மன்னிப்பு கோரியுள்ளது என்றும் குறிப்பிட்டார்.
எனினும், தனது பெயருக்கு களங்கம் ஏற்படுத்தும் விதத்தில் தவறான தகவல் உள்ளடக்கப்பட்டதா என்பது பற்றி விசாரிக்குமாறு கோரியே இன்று குற்றப் புலனாய்வு திணைக்களத்தில் முறைப்பாடு செய்துள்ளதாக நீதி அமைச்சர் ஹர்ஷன நாணயக்கார தெரிவித்தார்
