கைக்குண்டுகள் மற்றும் வாள்களுடன் இளைஞர்கள் இருவரை கைது செய்ததாக யாழ். மாவட்ட குற்றத்தடுப்புப் பிரிவு பொலிஸார் தெரிவித்துள்ளனர்.
கைதானவர்கள் மானிப்பாயைச் சேர்ந்த 18, 24 வயது இளைஞர்களாவர். நேற்று திங்கட்கிழமை அதிகாலை 2 மணியளவில் இவர்கள் இருவரும் கைதுசெய்யப்பட்டனர்.
கைதானவர்களில் ஒருவர் நவாலி பகுதியிலும் மற்றையவர் மட்டக்களப்பு பகுதியிலும் தலைமறைவாக இருந்தநிலையில் கைது செய்யப்பட்டுள்ளனர்.
அவர்களைக் கைதுசெய்தபோது அவர்களிடமிருந்து, 2 கைக்குண்டுகள், 4 வாள்கள், 4 பெற்றோல் குண்டுகள், 2 இரும்பு குழாய்கள் என்பன கைப்பற்றப்பட்டன என்று தெரிவிக்கப்பட்டது.
கைதான இருவரும் அண்மையில், நெல்லியடியில் வர்த்தக நிலையம் ஒன்று எரிக்கப்பட்ட சம்பவம் உட்பட பல குற்றச்செயல்களுடன் தொடர்புடையவர்கள் என்று பொலிஸார் தெரிவித்தனர்.
கைதான இருவரும் சட்டநடவடிக்கைக்காக மானிப்பாய் பொலிஸ் நிலையத்தில் ஒப்படைக்கப்பட்டுள்ளனர்.
