சைக்கிளில் சென்று கொண்டிருந்த மாணவியை டிப்பர் மோதியதில் அவர் சம்பவ இடத்திலேயே உயிரிழந்தார்.
கொக்குவில் கிழக்கு – ஆடியபாதம் வீதியில் யாழ். பல்கலைக்கழகத்தின் விஞ்ஞானபீடத்துக்கு அண்மையாக நேற்று மாலை 3.00 மணியளவில் இந்த வீதி விபத்து இடம்பெற்றது.
இதில், அதே இடத்தைச் சேர்ந்த விதுஷா விஜயகுமார் (வயது 17) என்பவரே உயிரிழந்தார்.
இந்த சம்பவம் தொடர்பில் மேலும் அறிய வருவதாவது,
வீதியில் சைக்கிளில் சென்று கொண்டிருந்த மாணவியை டிப்பர் வாகனம் முந்திச் சென்றபோது சைக்கிளை மோதியது. நிலைதடுமாறி விழுந்த மாணவியின் தலைமீது டிப்பரின் சில்லு ஏறியதில் அவர் சம்பவ இடத்திலேயே உயிரிழந்தார்.
உயிரிழந்த மாணவி கொக்குவில் இந்துக் கல்லூரியில் உயர்தரப் பிரிவில்
கல்விகற்று வந்தவர் என்பது குறிப்பிடத்தக்கது.
சம்பவம் தொடர்பில் கோப்பாய் பொலிஸார் விசாரணைகளை மேற்கொண்டு வருகின்றனர்.
