இயலிசைப்புலவர்கள் ஆராதனை விழா யாழ்ப்பாணம் நல்லை ஆதீனத்தில் நடைபெற ஏற்பாடாகியுள்ளது.
குரலோசை நுண்கலைகளின் தாயகம் அமைப்பின் ஏற்பாட்டில் எதிர்வரும் 20ஆம் திகதி காலை 9.00மணிக்கு நல்லூர் நல்லை ஆதீன கலாமண்டபத்தில் நிகழ்வு நடைபெறவுள்ளது.
ஈழத்தின் தமிழிசைப் பாடல்களை உருவாக்கிய இயலிசைப்புலவர்கள் 27 பேரின் பாடல்கள் இந்நிகழ்வில் ஆராதனை நிகழ்வாக ஆற்றுகை செய்யப்படவுள்ளன.
யாழ்ப்பாணத்தின் முன்னணி இசைக் கலைஞர்கள் 25 இற்கும் அதிகமானோர் ஆராதனை நிகழ்வில் பங்கேற்கின்றனர்.
நிகழ்வில் பங்குகொண்டு எமது ஈழத்து இயலிசையாளர்களை மதிப்பளிப்போம் என்று தமிழிசை ஆர்வலர்களை அழைத்து நிற்கிறார் நிகழ்வின் ஏற்பாட்டாளரான குரலோசை நுண்கலைகளின் தாயகம் அமைப்பின் இயக்குநர் வசாவிளான் தவமைந்தன்.
முத்தமிழ் வித்தகர் விபுலானந்த அடிகளின் நினைவு நாளில் நடைபெறும் இந்நிகழ்வில் 35 இற்கும் அதிகமான ஈழத்தின் தமிழிசைப் பாடல்கள் ஆற்றுகைப்படுத்தப்படவுள்ளமை குறிப்பிடத்தக்கது,
