அண்மையில் நடந்து முடிந்த க. பொ. த. சாதாரண தரப் பரீட்சைக்கு தோற்றிய மாணவர்களுக்கான உயர்தர வகுப்புகள் எதிர்வரும் ஜூன் 4ஆம் திகதி ஆரம்பமாகும் என்று அறிவிக்கப்பட்டுள்ளது.
கல்வி அமைச்சு நேற்று விடுத்த சுற்று நிருபத்திலேயே இந்த விடயம வெளியிடப்பட்டுள்ளது. இது குறித்து கல்வி அமைச்சு விடுத்துள்ள செய்திக்குறிப்பில், கடந்த புதன்கிழமை நிறைவடைந்த க. பொ. த. சாதாரண தர பரீட்சைக்கு தோற்றிய மாணவர்களுக்கான உயர்தர வகுப்புகளை உடனடியாக ஆரம்பிக்கத் திட்டமிட்டுள்ளதாகக் கல்வி அமைச்சர் சுசில் பிரேமஜயந்த ஏற்கனவே
அறிவித்திருந்தார்.
பரீட்சை விடைத்தாள் மதிப்பீட்டுப் பணிகள் வெசாக் விடுமுறையின் பின்னர் ஆரம்பிக்கப்படவுள்ளன. பரீட்சைகளை நிறைவு செய்துள்ள மாணவர்களுக்கான உயர்தர வகுப்புகள் பரீட்சை பெறுபேறுகள் வெளியிடப்படுவதற்கு முன்னதாகவே ஆரம்பிக்கப்படும் என்றும் அமைச்சர் தெரிவித்திருந்தார்.
இதற்குத் தேவையான அமைச்சரவை அங்கீகாரம் ஏற்கனவே பெறப்பட்டுள்ளது.
இது தொடர்பில் வெளியிடப்பட்டுள்ள சுற்று நிருபம் கிடைக்கப் பெறாத அதிபர்கள் அவற்றை மாகாண மற்றும் வலய கல்வி திணைக்களங்களில் பெற்றுக் கொள்ள முடியும் – என்றும் குறிப்பிடப்பட்டது.
