வவுனியா செட்டிக்குளம் பகுதியில் இடம்பெற்ற பட்டா – மோட்டார் சைக்கிள் விபத்தில் இளைஞர் ஒருவர் உயிரிழந்துள்ளார்.
மன்னார் – மதவாச்சி பிரதான வீதியில் செட்டிக்குளம் வாளவைத்தகுளம் பகுதியிலுள்ள எரிபொருள் நிலையத்திற்கு அண்மித்த பகுதியில் மோட்டார் சைக்கிளும் பட்டா ரக வாகனமும் மோதுண்டு விபத்துக்குள்ளானதில் மோட்டார் சைக்கிளின் சாரதியான இளைஞர் ஒருவர் உயிரிழந்துள்ளார்.
இவ் விபத்தில் 21 வயது மதிக்கத்தக்க இளைஞரே உயிரிழந்தவராவர்.
சம்பவ இடத்திற்கு சென்ற போக்குவரத்து பொலிஸார் விபத்துச் சம்பவம் தொடர்பிலான மேலதிக விசாரணைகளை முன்னெடுத்து வருகின்றனர்.
