யாழ்ப்பாணம் – வடமராட்சி கிழக்கில் மீன்பிடிக்கச் சென்று காணாமல் போன மீனவர் நேற்று ஞாயிற்றுக்கிழமை சடலமாக மீட்கப்பட்டார்.
வடமராட்சி கிழக்கு – மருதங்கேணியை சேர்ந்த முத்துச்சாமி தவராசா (வயது 60) என்பவரே இவ்வாறு சடலமாக மீட்கப்பட்ட மீனவராவார்.
நேற்று முன்தினம் சனிக்கிழமை அவர் வழக்கம் போன்று மீன்பிடிக்க கடலுக்கு தெப்பத்தில் சென்றுள்ளார். பின்னர், அவர் காணாமல் போயிருந்தார். அவரை கடற்படையினரும் மீனவர்களும் கடந்த இரு நாட்களாக தேடி வந்தனர்.
இந்த நிலையில் நேற்று மாலை 6 மணியளவில் தாளையடி கரையோரத்தில் அவரின் சடலம் கண்டுபிடிக்கப்பட்டது.
