நல்லூர் முருகன் கோவிலுக்கு முன்பாக விபத்து! பேருந்திலிருந்து இறங்கியவர் மரணம்!

யாழ். நல்லூர் பகுதியில் பேருந்தின் மிதி பலகையில் இருந்து இறங்க முற்பட்ட நபர் ஒருவர் தவறி விழ்ந்து உயிரிழந்துள்ளார்.

நல்லூர் கந்தசுவாமி கோயிலுக்கு முன்பாக இன்று  வெள்ளிக்கிழமை (23)  காலை குறித்த விபத்து இடம்பெற்றுள்ளது. 

உயிரிழந்தவரின் சடலம் யாழ்ப்பாணம் போதனா வைத்தியசாலையில் பிரேத பரிசோதனைக்காக வைக்கப்பட்டுள்ளது.

சம்பவம் தொடர்பாக யாழ்ப்பாணம் பொலிஸார் மேலதிக விசாரணைகளை மேற்கொண்டு வருகின்றனர்.