துருக்கி செல்வதற்காக கட்டுநாயக்க விமான நிலையத்துக்குச் சென்றிருந்த ஒருவர் தனது பயணப்பொதிகளில் துப்பாக்கி மற்றும் தோட்டாக்களை மறைத்து வைத்திருந்த நிலையில், இன்று வியாழக்கிழமை அதிகாலை விமான நிலைய பொலிஸாரால் கைது செய்யப்பட்டுள்ளார்.
மினுவாங்கொட பிரதேசத்தில் வசிக்கும் 59 வயதுடைய அவர், கட்டுநாயக்க விமான நிலையத்தை அதிகாலை சென்றடைந்துள்ளார்.
விமான நிலைய பாதுகாப்பு அதிகாரிகள் அங்கு அவர் கொண்டு வந்த பயணப்பொதிகளை ஸ்கான் செய்ததில் துப்பாக்கி மற்றும் தோட்டாக்கள் கண்டுபிடிக்கப்பட்டன.
