சீனாவிலிருந்து இலங்கைக்கு கடல் உணவு இறக்குமதி செய்யப்படாது. குறிப்பாக
வட மாகா ணத்திற்கு கடல் உணவு இறக்குமதி செய்யப்படாது என இலங்கைக்கான சீன தூது
வர் ஷி ஷென் ஹொங் தெரிவித்தார்.
சீன தொழிற்துறையினர், முதலீட்டாளர்கள் வடக்கில் முதலிட ஆர்வமாக உள்ளனர். வடக்கு
மக்களும் அதனை வரவேற்க தயாராகவுள்ளனர் எனவும் அவர் கூறினார்.
சீன தூதுவர் தலைமையிலான குழுவினர் நேற்று யாழ்ப்பாண மாவட்டத்திற்கு விஜயம்
செய்து நெடுந்தீவு பிரதேச மக்களுக்காக 500 உலருணவுப் பொதிகளை
கையளித்தனர்.
இந்நிகழ்வில் கலந்து கொண்டு கருத்து தெரிவிக்கும் போதே இலங்கைக்கான சீன தூதுவர்
இவ்வாறு கூறினார்.
அவர் மேலும் தெரிவிக்கையில்,
பொருளாதார நெருக்கடியின்போது இலங்கையின் பொருளாதாரதை உயர்த்த முதலாவதாக
சீனாவே கை கொடுத்தது. சீனா எதிர்காலத்திலும் கை கைகொடுக்கும்.
15 மில்லியன் ரூபாய் பெறுமதியான உதவிகளை சீனா வழங்கவுள்ளது. 5 மில்லியன் உணவு
பொருட்களாகவும் 5 மில்லியன் மீனவர்களுக்காகவும் 5 மில்லியன் வீட்டு திட்டத்திற்கும் வழங்கவுள்ளது.
ஜனாதிபதி ரணில் விக்கிரமசிங்க சீனா சென்றபோது, இலங்கை கடலுணவை சீனாவுக்கு ஏற்றுமதி செய்ய ஒப்பந்தம் செய்யப்பட்டது.
சீனாவில் இருந்து இலங்கைக்கு கடலுணவு இறக்குமதி செய்யப்படாது. விசேடமாக
வடக்கு மாகாணத்திற்கு கடலுணவு இறக்குமதி செய்யப்படாது.
சீனா உலகின் இரண்டாவது மிகப் பெரிய பொருளாதார நாடு. மிகப்பெரிய சந்தை வாய்ப்பு உள்ளது. உங்களை அதற்கே வரவேற்கிறோம்.
சீன தொழிற்துறையினர், முதலீட்டாளர்கள் வடக்கில் முதலிட ஆர்வமாக உள்ளனர். வடக்கு மக்களும் அதனை வரவேற்க தயாராகவுள்ளனர் என்று நம்புகிறேன்-என்றார்.
