நெடுந்தீவு பகுதியில் வீடொன்றில் தனிமையில் இருந்த இளைஞர் சடலமாக மீட்கப்பட்டுள்ளார்.
நெடுந்தீவு மேற்கைச் சேர்ந்த 25 வயதுடைய குணராசா தனுஷன் என்ற இளைஞரே நேற்று முன்தினம் இவ்வாறு சடலமாக மீட்கப்பட்டுள்ளார்.
இளைஞரின் உறவினர்கள் வெளியூரில் வசிக்கும் நிலையில் அவர்களின் வீட்டை குறித்த இளைஞரே பராமரித்து வருவதுடன் வீட்டின் பாதுகாப்புக்காக அங்கு தங்கி இருந்துள்ளார்.
குறித்த இளைஞரின் வீடு அருகில் உள்ளதால், தனது வீட்டுக்கு உணவுக்காகச் சென்று வரும் நிலையில் நேற்று முன் தினம் அவர் உணவருந்த வராததால் வீட்டார் இளைஞரைத் தேடி சென்றுள்ளனர்.
இதன்போது பூட்டிய வீட்டினுள் படுக்கையில் இளைஞர் சடலமாக காணப்பட்டார்.
சம்பவம் தொடர்பில் நெடுந்தீவு பொலிஸாருக்கு அறிவிக்கப்பட்டதை அடுத்து, பொலிஸார் விசாரணைகளை முன்னெடுத்துள்ளனர்.
உடற்கூற்று பரிசோதனைக்காக யாழ்.போதனா வைத்தியசாலையில் சடலம் ஒப்படைக்கப்பட்டுள்ளது.
