முல்லைத்தீவு மாவட்டம் புதுக்குடியிருப்பு, கைவேலி பகுதியில் இரு தரப்பினருக்கு இடையிலான மோதலில் ஒருவர் உயிரிழந்துள்ளதாக பொலிஸார் தெரிவித்துள்ளனர்.
குறித்த பகுதியில் நேற்றிரவு உறவினர்களுடன் மது அருந்தியபோது, இரு தரப்பினருக்கு இடையில் ஏற்பட்ட வாய்த்தர்க்கம் மோதலாக மாறியது.
இதன்போது, மேற்கொள்ளப்பட்ட தாக்குதலில் காயமடைந்த குறித்த நபர் வைத்தியசாலையில் அனுமதிக்கப்பட்டு, சிகிச்சை பெற்றுவந்த நிலையில் சிகிச்சை பலனின்றி உயிரிழந்துள்ளதாக வைத்தியசாலை தரப்பினர் குறிப்பிட்டுள்ளனர்.
உயிரிழந்தவர் கைவேலி பகுதியைச் சேர்ந்த 71 வயதுடையவரென தெரியவந்துள்ளது.
இந்தநிலையில், சம்பவம் தொடர்பில் பொலிஸாரால் ஒருவர் கைது செய்யப்பட்டுள்ளார்.
அவர் பொலிஸாரின் பாதுகாப்பில் முல்லைத்தீவு – மாஞ்சோலை வைத்தியசாலையில் சிகிச்சை பெற்றுவருவதாக பொலிஸார் குறிப்பிட்டுள்ளனர்.
