பூநகரி பகுதியில் நேற்று இடம் பெற்ற விபத்தின் போது ஒருவர் உயிரிழந்துள்ளதுடன் மற்றும் ஒருவர் காயமடைந்து கிளிநொச்சி மாவட்ட மருத்துவமனையில் அனுமதிக்கப்பட்டுள்ளார்.
இந்த விபத்து நேற்று பிற்பகலில் இடம்பெற்றது.
விபத்தை ஏற்படுத்திய வாகனம் அங்கிருந்து தப்பிச்சென் றுள்ளதாகக் கூறப்படுகின்றது.
முல்லைத்தீவு புதுக்குடியிருப்பைச் சேர்ந்த இளைஞர்கள் மோட்டார் சைக்கிளில் பயணித்துக் கொண்டிருந்தபோது வாகனம் மோதியதாகக் கூறப்படுகின்றது.
சம்பவத்தில் முல்லைத்தீவு புதுக்குடியிருப்பு பகுதியைச் சேர்ந்த இளைஞர் ஒருவர் சம்பவ இடத்தில் உயிரிழந்துள்ளார்.
மற்றுமொருவர் படுகாயம் அடைந்த நிலையில் அங்கு நின்றவர்களால் மீட்கப்பட்டு கிளிநொச்சி மாவட்ட மருத்துவமனையில் அனுமதிக்கப்பட்டுள்ளார்.
இந்நிலையில் விபத்தினை ஏற்படுத்தி விட்டு தப்பிச் சென்ற வாகனம் தொடர்பில் பூநகரி பொலிஸார் தீவிர விசாரணைகளை மேற்கொண்டு வருகின்றார்கள்.
