டிப்பர் வாகனத்துடன் மோட்டார் சைக்கிள் நேருக்கு நேர் மோதிய விபத்தில் படுகாயமடைந்தவர் சிகிச்சை பலனின்றி உயிரிழந்தார்.
நேற்று முன்தினம் சனிக்கிழமை இரவு முல்லைத்தீவு, விசுவமடுவில் இடம்பெற்ற இந்த விபத்தில் 3 பிள்ளைகளின் தந்தையான தர்மலிங்கம் நகுலேஸ்வரன் (வயது 47) என்ற குடும்பஸ்தரே காயமடைந்து சிகிச்சை பெற்றுவந்த நிலையில் நேற்று உயிரிழந்தார்.
பரந்தன் நோக்கி பயணித்த டிப்பர் வாகனமும் பரந்தன் பகுதியிலிருந்து புதுக்குடியிருப்பு நோக்கி பயணித்த மோட்டார் சைக்கிளும் மோதி விபத்து இடம்பெற்றது.
இதில், மோட்டார் சைக்கிளில் பயணித்தவர் படுகாயமடைந்து கிளிநொச்சி மருத்துவமனையில் சேர்க்கப்பட்டு பின்னர் யாழ். போதனா மருத்துவ மனைக்கு மாற்றப்பட்டார்.
அங்கு சிகிச்சை பலனின்றி நேற்று ஞாயிற்றுக்கிழமை உயிரிழந்தார்.
