ஜனாதிபதி ரணில் விக்கிரமசிங்கவுக்கும் வடக்கு, கிழக்கு மாகாணங்களைச் சேர்ந்த தமிழ் நாடாளுமன்ற உறுப்பினர்களுக்கும் இடையிலான கலந்துரையாடல் இன்று நடைபெறவுள்ளது.
நாடாளுமன்றக் கட்டடத் தொகுதியில் இன்று மாலை 3 மணிக்கு இந்தக் கலந்துரையாடல் நடைபெறவுள்ளது.
இலங்கைத் தமிழ் அரசுக் கட்சியின் நாடாளுமன்ற உறுப்பினர்கள் இன்றைய கூட்டத்தில் கலந்துகொள்ளவுள்ளனர் என்று கட்சியின் ஊடகப் பேச்சாளர் எம்.ஏ. சுமந்திரன் தெரிவித்தார்.
அதேவேளை, இன்றைய கூட்டத்தைப் புறக்கணிக்கவுள்ளதாக தமிழ்த் தேசிய மக்கள் முன்னணி அறிவித்துள்ளது.
