நான் மற்றவர்களுக்கு எதிராக வழக்கு தொடுப்பதில்லை. ஆனால், பிறர் எனக்கு எதிராக சுமார் 400 வழக்குகளை தொடுத்துள்ளனர் என்று முன்னாள் ஜனாதிபதி மைத்திரிபால சிறிசேன தெரிவித்துள்ளார்.
இது தொடர்பாக கொழும்பு ஊடகம் ஒன்றுக்கு அவர் வழங்கிய நேர்காணலில் மேலும் கூறியதாவது:-
நான் மற்றவர்களுக்கு எதிராக வழக்கு தொடுப்பதில்லை. ஆனால், பிறர் எனக்கு எதிராக சுமார் 400 வழக்குகளை தொடுத்துள்ளனர். இதன் மூலம் உலகில் அதிக வழக்குகளை எதிர்கொள்ளும் நபராக நான் உள்ளேன்.
நான் என்றென்றும் வாழப் போவதில்லை. அந்த வழக்குகளும் ஒரு நாள் நான் மரணிக்கும் போது முடிவுக்கு வரும்.
மகாத்மா காந்தி, ஆபிரகாம் லிங்கன், பண்டாரநாயக்க போன்ற அரசியல் தத்துவ ஞானிகள் சுட்டுக் கொல்லப்பட்டது போல, ஒரு குழுவினர் எனது கொள்கையையும் சுட்டுக் கொன்றுள்ளனர் – என்றார்.
