அம்பாறை மாவட்டம் சம்மாந்துறை பொலிஸ் பிரிவிற்கு உட்பட்ட பகுதியில் உள்ள வீடொன்றில் வழமையான செயற்பாட்டில் ஈடுபட்டிருந்த குடும்பஸ்தர் ஒருவர் திங்கட்கிழமை (13) மின்சாரம் தாக்கி உயிரிழந்துள்ளார்.
அம்பாறை, சம்மாந்துறை, சென்னக்கிராமம் பகுதி மலையடிக்கிராமம் 3 ஆம் பகுதியைச் சேர்ந்த 60 வயதுடைய குடும்பஸ்தரே இவ்வாறு உயிரிழந்துள்ளார்.
உயிரிழந்தவரின் சடலம் சம்மாந்துறை ஆதார வைத்தியசாலையில் வைக்கப்பட்டு மரண விசாரணையின் பின்னர் உறவினர்களிடம் கையளிக்க நடவடிக்கை எடுக்கப்பட்டுள்ளது.
இது தொடர்பான மேலதிக விசாரணைகளை சம்மாந்துறை பொலிஸார் மேற்கொண்டு வருகின்றனர்.
