இலங்கைத் தமிழரசுக் கட்சியின் புதிய ஊடகப் பேச்சாளராக, மட்டக்களப்பு மாவட்ட பாராளுமன்ற உறுப்பினர் ஞானமுத்து சிறீநேசன், தமிழரசுக் கட்சியின்
நாடாளுமன்றக் குழுவால் நேற்று தெரிவு செய்யப்பட்டார்.
10ஆவது நாடாளுமன்றத்தின் முதலாவது அமர்வு நேற்று இடம்பெற்ற வேளை, தமிழரசுக் கட்சியின் பாராளுமன்றக் குழுக் கூட்டம் நாடாளுமன்ற நூலகக் கட்டடத் தொகுதியில் நடைபெற்ற வேளை, அங்கு கட்சியின் புதிய ஊடகப் பேச்சாளர் தெரிவும் நடைபெற்றது.
2015 ஆம் ஆண்டு முதல் முன்னாள் நாடாளுமன்ற உறுப்பினர் ஜனாதிபதி
சட்டத்தரணி எம்.ஏ.சுமந்திரன், தமிழரசுக் கட்சியின் பேச்சாளராகச் செயற்பட்டு வந்தமை குறிப்பிடத்தக்கது.
