பாராளுமன்ற தேர்தலுக்கான வேட்புமனுவை கஜேந்திரகுமார் பொன்னம்பலம் தலைமையிலான தமிழ்த் தேசிய மக்கள் முன்னணி நேற்று யாழ். மாவட்ட
தேர்தல் செயலகத்தில் தாக்கல் செய்துள்ளது.
வேட்புமனு தாக்கல் செய்வதற்கு முன்னதாக நல்லூரில் அமைந்துள்ள திலீபனின் நினைவுத் தூபிக்குச் சென்ற தமிழ்த் தேசிய மக்கள் முன்னணியின் வேட்பாளர்கள் மலர் மாலை அணிவித்து, மலர் தூவி அஞ்சலி செலுத்தினார்.
அகில இலங்கை தமிழ் காங்கிரஸ் கட்சியில் ‘சைக்கிள்’ சின்னத்தால் கஜேந்திரகுமார் பொன்னம்பலம் தலைமையில் யாழ். தேர்தல் மாவட்டத்தில் தமிழ்த் தேசிய மக்கள் முன்னணி போட்டியிடவுள்ளமை குறிப்பிடத்தக்கது.
தமிழ்த் தேசிய மக்கள் முன்னணியின் வேட்பாளர்கள் விவரம் வருமாறுகஜேந்திரகுமார் பொன்னம்பலம், செல்வராஜா கஜேந்திரன், கனகரட்னம்
சுகாஷ், நடராஜர் காண்டீபன், வாசுகி சுதாகரன், ஜெகதீஸ்வரன், க.ஞானகுணேஸ்வரி, மேவிஸ் ஜீன்சியா, எம்.நடனதேவன்.
