கனடா நாட்டில் இருந்து யாழ்ப்பாணத்தில் காணி வாங்குவதற்காக வந்தவரின் 85 இலட்ச ரூபாய் பணம் காணி தரகரால் அபகரிக்கப்பட்டுள்ளது.
யாழ்ப்பாணத்தை பூர்வீகமாக கொண்ட நபர் ஒருவர் கனடா நாட்டில் வசித்து வருகிறார்.
அவர் யாழ்ப்பாணம் தெல்லிப்பழைப் பகுதியில் காணி ஒன்றினைக் கொள்வனவு செய்வதற்காக சில தினங்களுக்கு முன்னர் யாழ்ப்பாணம் வருகை தந்துள்ளார்.
அவருக்கு குறித்த காணியை கிளிநொச்சி பகுதியைச் சேர்ந்த காணித் தரகர் ஒருவரே அடையாளம் காட்டி , காணி உரிமையாளருடன் பேச்சுக்களையும்
நடத்தியுள்ளார்.
அதனை அடுத்து காணியைக் கொள்வனவு செய்வதற்கு 85 இலட்சம் ரூபாய் பணத்தை ரொக்கமாக தயார் செய்திருந்தார்.
அந்த பணத்தைக் கனடா வாசி தன்னுடன் வைத்திருந்தார். அவர் அசந்த நேரம் பார்த்து, காணித் தரகர் 85 இலட்ச ரூபாய் பணத்தினை அபகரித்துக்கொண்டு
தலைமறைவாகியுள்ளார்.
சம்பவம் தொடர்பில் பாதிக்கப்பட்ட நபரால் தெல்லிப்பழை பொலிஸ் நிலையத்தில் முறைப்பாடு செய்துள்ள நிலையில் பொலிஸார் விசாரணைகளை முன்னெடுத்துள்ளனர்.
